انتقد الرئيس عبد الفتاح السيسي ثقافة النمو السكاني وكثرة الإنجاب عند المصريين، مؤكدا أنه لن يتم عمل بطاقة تموين مرة أخرى لأكثر من فردين.
وتابع خلال افتتاح مشروعات بصعيد مصر اليوم الأربعاء: «قلت لا يمكن أدي بطاقة تموين تاني لحد بيتجوز، لأنك لو بتتجوز ومستني الدولة تديك بطاقة تموين إنت مش قادر تصرف إزاي يعني.. لأ ده كلام مش مظبوط، ودي ثقافة اتشكلت في وجدان الناس مش موجودة غير في بلدنا إحنا، أن أشتري الحاجة بأقل من تمنها وأخد الخدمة بأقل من تمنها وكمان لما أخلف حد يأكلي عيالي.. ده هنا بس في البلد دي، وعشان كده هي مقدرتش تقوم خلال السنين اللي فاتت، وإحنا مسؤولين أمام الله إننا نحط الإجراءات والقواعد اللي تمكن البلد دي إنها تقوم».
“أنا بقول على الأقل تبقى عارف يا مواطن ويا مواطنة، وأنت بتعدي الطفل مش الطفلين، إنت بتحط نفسك في مشكلة، وربنا مقالش نعمل كده في نفسنا.
أصل احنا في الجلسات بتاعتنا هم بيتألموا مني وأنا عارف، بس غصب عني، أنا زي ما قولتلكم ما بشوفش إلا اللي مخلصش عشان عايز أخلصه».
وتابع: معرفش العمر هيديني ولا لأ فعايز أخلص كله عشان حبي للناس، وقبل كدا حبي لربنا سبحانه وتعالى.. عايز أفضل خدّام لله وللناس لغاية أما أمشي، فربنا يوفقنا.
السيسي قال إن نصيب الصعيد من التنمية كان أقل من باقي الجمهورية ولكن الدولة تحاول أن تضع كل المناطق على خط واحد من التنمية في كل القطاعات.
وتابع قائلا: “نحن لدينا إشكالية التخلف أو متاهة التخلف وسببها الجهل والفقر وقلة الوعي ولن نستطيع محاربة مشكلة واحدة إلا بمواجهة باقي المشكلات”.
السيسي قالها صراحة: عمر روحي المعنوية ما اتأثرت، لأن التحدي أنا شايفه مش دلوقتي التحدي، شايفه من 20 و25 سنة، واللي بتكلم فيه مش جديد عليّ.
